Bitsjte Bronkveerders,

De Bronk van 2020 wurdt vuur os allemaol un vrèmde editie. Vuur pesjtoer Ruud Verheggen, dei mit zun iesjte Bronk geng processie kin loape. Vuur de hermenieën, die hun ingstrumenten ien hun koffers motte laote op bronkzoongdig. Vuur os, de jonkheden, die nog un joar motte blieve zitten. En vuur al die ander luj die op wat vuur meneer dan och mit de Bronk te moake hebbe.

Dit joar geng processie, geine muziek, geng heilighuiskes en geng koamersjeute. Meh woal Bronk. Want Bronk is ut ien os hart.

Daorum roope vier, ut Kirkbestuur, ut Processiecomité en de jonkheden van Eesjde, Caesjtert en Breusj, eekerein ien Eesjde op um mit de Bronk toch de vlag oet te hange. Zoe loate vur zien dat vur gruutsj zien op os durp, en gruutsj op dis prachtige traditie die volgend joar hoepelijk wir geveerd wurdt wie ver dat allemaol gewend zien.

Weier hoepe vur dat eekerein de speciale Bronkposter achter de roet hingt. De posters zien vuur eekerein op te hoele bie Bakkerij Claessens, Bloembinderij de Tuinkamer en bie Lidwine Partouns. Zoe loate ver mit zun alle zien dat vier es Eesjdenaore os neet kleng loate kriege. Bronk is ut ien os hart.

Namens de Jonkheden van Eesjde, Caesjtert en Breusj

1 REACTIE

LAAT EEN REACTIE ACHTER

Please enter your comment!
Please enter your name here